ಈದ್ಗಾ ಮೈದಾನದಲ್ಲಿ ಸಾಮೂಹಿಕ ಪ್ರಾರ್ಥನೆ ಸಲ್ಲಿಸಿದ ಶಾಸಕ ಪಠಾಣ
ವೀರಮಾರ್ಗ ನ್ಯೂಸ್ ಶಿಗ್ಗಾವಿ : ಪಟ್ಟಣದ ಈದ್ಗಾ ಮೈದಾನದಲ್ಲಿ ರಂಜಾನ ಹಬ್ಬದಂಗವಾಗಿ ಶಾಸಕ ಯಾಸೀರಹಮ್ಮದ ಖಾನ ಪಠಾಣರವರು ಸಮಾಜ ಬಾಂಧವರೊಂದಿಗೆ ಸಾಮೂಹಿಕ ಪ್ರಾರ್ಥನೆ ಸಲ್ಲಿಸಿ, ಸರ್ವ ಮುಸಲ್ಮಾನ ಬಾಂಧವರಿಗೆ ಹಬ್ಬದ ಶುಭಾಶಯ ಕೊರಿದರು.
ಮಾಸಾಧ್ಯಂತ ಉಪವಾಸ ವ್ರತ ಆಚರಣೆಮಾಡಿದ ಮುಸಲ್ಮಾನ ಬಾಂಧವರು ಭಾನುವಾರ ಚಂದ್ರದರ್ಶನ ಪಡೆದನಂತರ ಹಬ್ಬದಾಚರಣೆಗೆ ಮುಂದಾದರು. ಸೋಮವಾರ ಶುಭ್ರವಾದ ಹೊಸಬಟ್ಟೆ ಧರಿಸಿ ಈದ್ಗಾಮೈದಾನಕ್ಕೆ ತೆರಳಿ ಸಾಮೂಹಿಕ ಪ್ರಾರ್ಥನೆ ಸಲ್ಲಿಸಿ ಅಲ್ಲಾನಿಗೆ ಭಕ್ತಿನಮನ ಸಲ್ಲಿಸಿದರು. ನಂತರ ಬಡ, ಬಗ್ಗರಿಗೆ ದಾನ ಧರ್ಮ ಮಾಡಿ ಮನೆಗೆ ತೆರಳಿ ಕುಟುಂಬ ಸಮೇತರಾಗಿ ಸಹಬೋಜನ ಸವಿಯುವಮೂಲಕ ಉಪವಾಸ ವ್ರತ ಆಚರೆಣೆಗೆ ಸಮಾರೋಪ ಹಾಡಿದರು.
ಮುಖಂಡರಾದ ಸುಲೇಮಾನ ಖಾಜಾಖಾನನವರ, ಗೌಸ್‌ಖಾನ ಮುನಸಿ, ಅತ್ತಾವುಲ್ಲಾಖಾನ, ಎನ್.ಎಮ್.ಕಳಸ, ಮಖಬೂಲ ಅಂದಲಗಿ, ಸಾಧಿಕ್ ಅಂಭೂರ, ಕರೀಂಸಾಬ ಮೊಗಲಲ್ಲಿ, ಮುಕ್ತ್ಯಾರ ತಿಮ್ಮಾಪುರ, ಸಾಧಿಕ್ ಮಲ್ಲೂರ, ಅಹಮ್ಮದ ಭಾಷಾ ಸೇರಿದಂತೆ ಇತರರು ಇದ್ದರು.
