ಸರ್ವೋತ್ತಮ ಸೇವಾರತ್ನ ರಾಜ್ಯ ಪ್ರಶಸ್ತಿ ಪುರಸ್ಕೃತರು ಭುವನೇಶ್ವರ ಶಿಡ್ಲಾಪುರ
ವೀರಮಾರ್ಗ ನ್ಯೂಸ್ : ಹಾವೇರಿ : ಪ್ರಗತಿಪರ ರೈತರು, ಜಿಲ್ಲಾಧ್ಯಕ್ಷರು ರೈತ ಸಂಘ ಹಾಗೂ ರಾಜ್ಯ ಕಬ್ಬು ಬೆಳೆಗಾರರ ಸಂಘ , ಕರ್ನಾಟಕ ಸಹಕಾರಿ ಸಕ್ಕರೆ ಕಾರ್ಖಾನೆ ನಿರ್ದೇಶಕರಾದ ಭುವನೇಶ್ವರ ಬಸವಣ್ಣೆಪ್ಪ ಶಿಡ್ಲಾಪೂರ,ಅವರ ನಾಡು ನುಡಿ, ಸಮಾಜ ಸೇವೆ, ರೈತರ ಪರ ಹೋರಾಟ ಮತ್ತು ಸೇವೆಗಾಗಿ “ಸರ್ವೋತ್ತಮ ಸರ್ವೋತ್ತಮ ಸೇವಾ ರತ್ನ ಪ್ರಶಸ್ತಿ” ನೀಡಿ ಗೌರವಿಸಲಾಯಿತು.
ಹಾವೇರಿಯಲ್ಲಿ ಕರ್ನಾಟಕ ಕಾವ್ಯಶ್ರೀ ಚಾರಿಟೇಬಲ್ ಟ್ರಸ್ಟ್ ವತಿಯಿಂದ ಜರುಗಿದ ಕವಿ ಕಾವ್ಯ ಸಮ್ಮೇಳನ ಕಾರ್ಯಕ್ರಮದಲ್ಲಿ ಪ್ರಶಸ್ತಿ ನೀಡಿ ಗೌರವಿಸಿದರು.
ಈ ಸಂದರ್ಭದಲ್ಲಿ ಕಾವ್ಯಶ್ರೀ ಚಾರಿಟೇಬಲ್ ಸಂಸ್ಥೆಯ ರಾಜ್ಯಾಧ್ಯಕ್ಷರು ಡಾ. ಜಿ ಶಿವಣ್ಣ, ಹಿರಿಯ ಸಾಹಿತಿಗಳಾದ ಡಾ, ಸತೀಶ ಕುಲಕರ್ಣಿ, ಡಾ. ರಮೇಶ ಮಹಾದೇವಪ್ಪನವರ, ಡಾ. ಎಚ್.ವಿ ಬೆಳಗಲಿ, ಡಾ. ಶಾಂತಣ್ಣ ವೈ.ಕಡಿವಾಲ ಹಾಗೂ ಪ್ರಮುಖರು ಉಪಸ್ಥಿತರಿದ್ದರು.
ಸರ್ಕಾರಿ ಶಾಲೆಗಳ ಶ್ರೇಯೋಭಿವೃದ್ಧಿಗೆ ಮಾದರಿಯಾದ ಓಂ ಪ್ರಕಾಶ್ ಹುಟ್ಟುಹಬ್ಬದ ನೆಪದಲ್ಲಿ ಬಾರಂದೂರು ಮತ್ತು ಹಳ್ಳಿಕೆರೆ ಶಾಲೆಗಳಿಗೆ ನಿರಂತರ ಸಹಾಯ
ಶಿವಮೊಗ್ಗ ಜಿಲ್ಲೆಯ ಭದ್ರಾವತಿ ತಾಲೂಕಿನ ಬಾರಂದೂರು ಗ್ರಾಮದ ಶ್ರೀ ಓಂ ಪ್ರಕಾಶ್ ರವರು ಸರ್ಕಾರಿ ಶಾಲೆಗಳ ಉಳಿವಿಗಾಗಿ ಮತ್ತು 200ಕ್ಕೂ ಹೆಚ್ಚು ವಿದ್ಯಾರ್ಥಿಗಳ ಶೈಕ್ಷಣಿಕ ಪ್ರಗತಿಗಾಗಿ ನಿರಂತರವಾಗಿ ನೀಡುತ್ತಿರುವ ಕೊಡುಗೆ ಸಾರ್ವಜನಿಕರ ಮೆಚ್ಚುಗೆಗೆ ಪಾತ್ರವಾಗಿದೆ.
ಈ ಕುರಿತು ಪತ್ರಿಕಾ ಪ್ರಕಟಣೆಯ ಮುಖ್ಯ ವಿವರಗಳು
ಸ್ವಯಂ ಶಕ್ತಿಯೇ ಬಲ (ಸ್ವಪ್ರಯತ್ನ): ಯಾವುದೇ ಪ್ರಚಾರ ಬಯಸದೆ, ಸಂಪೂರ್ಣವಾಗಿ ತಮ್ಮ ದುಡಿಮೆ ಮತ್ತು ತೋಳ್ಬಲವನ್ನೇ ನಂಬಿ ಬದುಕುತ್ತಿರುವ ಓಂ ಪ್ರಕಾಶ್ ರವರು, ಸಮಾಜಮುಖಿ ಚಿಂತನೆಯೊಂದಿಗೆ ಸರ್ಕಾರಿ ಶಾಲೆಗಳನ್ನು ದತ್ತು ಪಡೆದಂತೆ ಪೋಷಿಸುತ್ತಿದ್ದಾರೆ. ತಮ್ಮ ಕುಟುಂಬದ ಸದಸ್ಯರ ಹುಟ್ಟುಹಬ್ಬ ಹಾಗೂ ವಿಶೇಷ ದಿನಗಳನ್ನು ದುಬಾರಿ ಆಚರಣೆಗಳಿಗೆ ವ್ಯಯಿಸದೆ, ಆ ಹಣವನ್ನು ಸರ್ಕಾರಿ ಶಾಲಾ ಮಕ್ಕಳ ಕಲ್ಯಾಣಕ್ಕಾಗಿ ಬಳಸುತ್ತಿರುವುದು ಇವರ ವಿಶೇಷತೆ.ಕಳೆದ ಐದು ವರ್ಷಗಳಿಂದ ನಿರಂತರವಾಗಿ ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆ, ಬಾರಂದೂರು ಹಾಗೂ ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆ, ಹಳ್ಳಿಕೆರೆ ಬಾರಂದೂರು – ಈ ಎರಡೂ ಶಾಲೆಗಳ ಶ್ರೇಯೋಭಿವೃದ್ಧಿಗೆ ಶ್ರಮಿಸುತ್ತಿದ್ದಾರೆ.
ಶಾಲಾ ಮಕ್ಕಳಿಗೆ ಅಗತ್ಯವಿರುವ ಉಚಿತ ಸಮವಸ್ತ್ರ ವಿತರಣೆ, ಶುದ್ಧ ಕುಡಿಯುವ ನೀರಿನ ಘಟಕಗಳ ವ್ಯವಸ್ಥೆ ಹಾಗೂ ಶಾಲೆಯ ದಿನನಿತ್ಯದ ಮುಖ್ಯ ಮೂಲಭೂತ ಅಗತ್ಯಗಳನ್ನು ತಮ್ಮ ಸ್ವಂತ ವೆಚ್ಚದಲ್ಲಿ ಪೂರೈಸುತ್ತಿದ್ದಾರೆ.ಶ್ರೀ ಓಂ ಪ್ರಕಾಶ್ ರವರು ಶನಿವಾರದಂದು ತಮ್ಮ ಮಗನದ ಧೀರಾಜ್ ಆಚಾರ್ ಅವರ ಹುಟ್ಟು ಹಬ್ಬದ ಪ್ರಯುಕ್ತ ಬಾರಂದೂರು ಮತ್ತು ಹಳ್ಳಿಕೆರೆ ಗ್ರಾಮದ ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆಗಳ ವಿದ್ಯಾರ್ಥಿಗಳಿಗೆ ಸಮವಸ್ತ್ರ ಹಾಗೂ ವಿಜ್ಞಾನ ಪ್ರಯೋಗಾಲಯಕ್ಕೆ (ಲ್ಯಾಬ್) ಅಗತ್ಯವಿರುವ ಮೈಕ್ರೋಸ್ಕೋಪ್, ಸೈನ್ಸ್ ಕಬೋರ್ಡ್ ಮತ್ತು ನೋಟಿಸ್ ಬೋರ್ಡ್ಗಳನ್ನು ಉಡುಗೊರೆಯಾಗಿ ನೀಡಿದರು.
ಎರಡೂ ಶಾಲೆಗಳಲ್ಲಿ ಕಲಿಯುತ್ತಿರುವ ಸರಿಸುಮಾರು 200ಕ್ಕೂ ಹೆಚ್ಚು ಬಡ ಮತ್ತು ಗ್ರಾಮೀಣ ಭಾಗದ ವಿದ್ಯಾರ್ಥಿಗಳಿಗೆ ಇವರ ಈ ಸೇವೆಯಿಂದ ನೇರ ಅನುಕೂಲವಾಗುತ್ತಿದೆ. ಖಾಸಗಿ ಶಾಲೆಗಳ ಸ್ಪರ್ಧೆಯ ನಡುವೆಯೂ ಸರ್ಕಾರಿ ಶಾಲೆಗಳಲ್ಲಿ ಗುಣಮಟ್ಟದ ವಾತಾವರಣ ನಿರ್ಮಿಸಿ, ಮಕ್ಕಳು ಶಾಲೆಯತ್ತ ಆಕರ್ಷಿತರಾಗುವಂತೆ ಮಾಡಲು ಇವರ ಕೊಡುಗೆ ಪ್ರಮುಖವಾಗಿದೆ. ಶ್ರೀ ಓಂ ಪ್ರಕಾಶ್ ರವರ ಈ ನಿಸ್ವಾರ್ಥ ಸೇವೆಯನ್ನು ಎರಡೂ ಶಾಲೆಗಳ ಮುಖ್ಯ ಶಿಕ್ಷಕರು, ಶಿಕ್ಷಕ ವೃಂದ, ಶಾಲಾ ಅಭಿವೃದ್ಧಿ ಮತ್ತು ಮೇಲ್ವಿಚಾರಣಾ ಸಮಿತಿ (SDMC), ವಿದ್ಯಾರ್ಥಿಗಳು ಹಾಗೂ ಬಾರಂದೂರು ಗ್ರಾಮಸ್ಥರು ಮುಕ್ತಕಂಠದಿಂದ ಶ್ಲಾಘಿಸಿದ್ದಾರೆ. ಈ ಸಂದರ್ಭದಲ್ಲಿ ಶಾಲಾ ಮುಖ್ಯ ಶಿಕ್ಷಕರಾದ ಡಿಎನ್ ಹೇಮಾವತಿ, ಶೇಖರಪ್ಪ ಸಹಶಿಕ್ಷಕರಾದ ವಿಜಯಲಕ್ಷ್ಮಿ ಕೆ, ವಿಜಯಲಕ್ಷ್ಮಿ ಡಿಎಸ್, ಉಷಾ ಜಿ ಎಲ್, ಧನಲಕ್ಷ್ಮಿ ಬಿ, ಎಸ್ ಡಿ ಎಂ ಸಿ ಅಧ್ಯಕ್ಷರಾದ ಕವಿತಾ, ಬೈರೇಗೌಡ, ಸದಸ್ಯರಾದ ಭದ್ರೇಶ್ ಹಾಗೂ ಮಾಜಿ ಗ್ರಾಮ ಪಂಚಾಯಿತಿ ಅಧ್ಯಕ್ಷರಾದ ಶಿವಕುಮಾರ್ ಪ್ರಶಾಂತ್ ಮತ್ತು ಗ್ರಾಮಸ್ಥರು ಉಪಸ್ಥಿತರಿದ್ದರು.
